Search

Pamalandong: Think Before You Click


Adunay kanhi nangutana, “nganong tag-as man ka kaayo magsuwat sa imong pamalandong?” Tubag nako, “Akong pamaagi isip protesta sa kulturang gikapoy ng magbasa. Kay apil ko hitakdan na.”


Ang tanan nagadali, dinalian, pinaspasay. Sa dalan anaa ang lumbaanay sa sakyanan, sa trabaho anaa hikit-an nga daw kada usa adunay ginaapas nga deadline, sa misa kon manobra na’g usa ka oras mora na ug mag-alingasa, ug sa pag-estoryahanay dili makalahutay.


Multi-tasking matud pa ang lengwahe karon.


Aduna koy nahimamat nga matud pa kon moapil man siya’g misa, mas pilion niya kadtong misa nga naa giwaragwag sa radyo kaysa misa nga gi-live stream sa facebook. Kay kuno, matud pa, mamahimo pa siyang manilhig o manglaba samtang nagapaminaw sa misa sa radyo kaysa niadtong magpundo, maglingkod gunit cellphone ug punay’g tan-aw sa misa sa facebook nga wala kay laing matrabaho.


Kuyaw sab epekto sa social media.


Kaniadto maghuwat ka unsay ipagawas, ipasalida sa tv. Dili nimo kontrol ang oras. Mahimong kung daghan ug channel, dayon tuplok ug balhin-balhin ka. Pero karon bisan misa pwede na nimong i-pause kay magdung-ag sa ka. Padayunon lang kon makabakante ka na. Pwede pa ganing manghagdaw ug homiliya. Sa kadaghang naglive stream pwede kang mamili asay lantawon nga bisan ug naa pa ka sa bukid basta may signal lang – Vatican ba, Manila Cathedral o sa imong parokya.


Ang kagawasan sa pagpili kung unsay angay’ng lantawon ug sa unsang orasa ug sigon sa panlasa pinaagi sa pagtuplok lamang ilabi na kung buhaton sa usa ka senior citizen, makawiwili lantawon ug daw ka dalaygon.


Apan aduna bay tinuod nga kagawasan kung mismo ang gipindot (dili na “think before you click”) sinet-up ng daan ug ingo’g nagsolicit ug manufactured consent? Tingali bisag niini man lang daw makasinati ug makaingon, "at least ako ang nagpili."


Image Source:

https://ih1.redbubble.net/image.2007118949.0168/st,small,507x507-pad,600x600,f8f8f8.jpg?fbclid=IwAR0MFNltDsTMW1Bl5FoPa1uRA6Vlk3zKFqzKT__vmwrSQHiK3RhpQi-IqYk



0 views0 comments

Recent Posts

See All