Search

Pamalandong: Excarnation



Simhot. Tilaw. Hikap. “Action words.” Mga pulong nga may kalabutan sa “senses.” Namahimong basehanan, sukdanan nga wala ka pa navirusan ug makapanigurong “normal” ka pa.


Makapanimaho pa man kaha ka? Okey pa man kaha ang imong panlasa? Kung tandugon ka, makabati ka pa ba? Pipila sa mga pangutana sa akong mga kaila.


Niining panahon sa pandemya dili malimod nga natabangan sab tang magpasensiya. Halimbawa na lang ang hugaw sa iring nga pirting bahua, usahay sa imong pagmata maoy imong unang mapanimahuan, imbes masuko ka, daw makapasalamat ka. “Haay, wala pa koy Covid.” Ang hugaw naa gayoy matudlo sa tawo nga kanus-a man dili matanyag sa hinlo ug limpyo. Susama nga ang kangitngit adunay ikahatag nga kaalam nga asa kanus-a man dili sa kahayag nato matun-an.


Naa koy nadungog nga kung mabakunahan kuno ka sa “vaccine,” magluya ug kalinturahon ka. Pero matud pa sa akong kaila, kung mao nay mahitabo magpasalamat ka. Maayo ka na. Kay ingon pa niya sigon sa iyang nabasahan “normal kana ug timailhan nga nagaresponse ang imong lawas.” Ang hadlok nga bisag nabakunahan pero “sa daw waay lang.”


Kagabii naa sab ko nakaestorya. Gilista na kuno siya para sa bakuna. Sa dihang nadungog niya nga usa sab ka semanang magluya siya, nag-withdraw siya. Unsa na lang ang akong trabaho ug pangabuhian?, maoy iyang pangutana. Tuod no kasayon estoryahong kinahanglang magpabakuna, pero sa uban nga ang income inadlaw ug diha nakadepende ang pagkaon sa pamilya pagkalisod ilabi na kay wala may klarong ayuda.


Anaa sab nagpaabot nga usa ka batan-on. Gikan siya sa Luzon ug nahiabot nganhi nga nag-inusara tungod sa iyang trabaho. Dili siya kabalong moluto busa dako niyang problema kining GCQ ug sayong pagpanarado sa mga kan-anan. Ug matud pa niya karon lang siya kasabot sa panultihong, “Give a man a fish and you feed him for a day; teach a man to fish and you feed him for a lifetime.”


Niining panahon sa pandemya, tingali anaa ang awhag nga i-rethink ang atong pagsabot sa “body” apil na ang “spirituality” lakip na ang "sensuality." Importante man diay ang kaniadtong daw wala ginatagad kay kalibutanon ra kaayo. Gani man anaa kaniadto ang mga panglantaw nga kinahanglang madevelop ang abilidad nga dili maapektahan sa senses, sa lawas. Apan karon adunay bag-o nga dili maitandi o ikatandi kaniadto.


Ingon pa sa usa ka namalandong, karong pandemya dili lang adunay "epidemic of fear," anaa usab ang "epidemic of loneliness." Anaa ang pagtumaw sa "excarnation." Kana tungod kay kon aduna may komunikasyon nagaagi na ug lahi nga medium, dili natural ug dugang pa niya “we are now so obsessed about the BODY in ever more DISEMBODIED ways.”

0 views0 comments

Recent Posts

See All